http://ir.lib.ruh.ac.lk/handle/iruor/6190 2026-04-03T19:41:39Z 2026-04-03T19:41:39Z මධුමාලි, එස්. අයි. http://ir.lib.ruh.ac.lk/handle/iruor/8421 2025-05-16T04:01:06Z 2014-03-19T00:00:00Z

ශ්‍රී ලංකාවේ පශ්චාත් යුද සමයෙහි උතුරේ ද්‍රවිඩ ජනයාගේ විදේශීය සංක්‍රමණ කෙරෙහි බලපාන සමාජීය සාධක : යාපනය කිලිනොච්චිය නගරය ආශ්‍රයෙනි මධුමාලි, එස්. අයි. උතුරු නැගෙනහිර ප්‍රදේශ කේන්ද්‍ර කොට ඇති වූ ජනවාර්ගික අර්බුදය යුද්ධයක් බවට පරිවර්තනය වී වසර තිහකට පසු එක් පාර්ශ්වයක ජනග්‍රහණයකින් කෙළවර විය. එහෙත් අද වන විටත් ඒ හරහා ඇති වූ සමාජ, ආර්ථික, දේශපාලන ගැටලු පූර්ණ වශයෙන් විසදී නැත. දේශපාලනඥයන් සහ වෙනත් බොහෝ පාර්ශ්ව උතුරු නැගෙනහිර පිළිබඳ ව සංවර්ධන දෘෂ්ටියකින් නතා කළ ද නො විසඳුණු ගැටලුබොහෝමයක් අද වන විට ජාතික තලයෙන් ජාත්‍යන්තරය දක්වා ගමන් කර ඇත. යුද්ධය පැවතුණු කාලයෙහි එල්.ටී.ටී.ඊ. සංවිධානයේ සහ රාජ්‍ය හමුදාවන් ගේ ප්‍රහාරයන්ට ගොදුරු වෙමින් පීඩනයට පත් වූ උතුරු නැගෙනහිර ජනතාවගේ ගැටලු ඔවුන් වෙත ම ගොස් අසා දැන ගැනීම සහ ඒවා ඉතා පුළුල් විග්‍රහයකට ලක් කිරීම පවතින තත්වය මැනැවින් අවබෝධ කර ගැනීමට අත්‍යවශ්‍ය වේ. මෙම අධ්‍යයනයේ ප්‍රධාන අරමුණ වන්නේ ශ්‍රී ලංකාවේ පශ්චාත් යුද සමයෙහි උතුරේ ද්‍රවිඩ ජනයාගේ විදේශීය සංක්‍රමණ කෙරෙහි බලපාන සමාජීය සාධක අධ්‍යයනය කිරීම යි. ඔවුන්ගේ ජීවන තත්වය යුද සමයේ තිබුණාට වඩා තරමක් යහපත් වුවත් ශ්‍රී ලංකා රාජ්‍යය පිළිබඳ ඔවුන්ගේ ආකල්ප යහපත් ඒවා නො වේ. එසේම ම ඔවුන් විෂයෙහි රජයේ ක්‍රියාකාරිත්වය පිළිබඳ නිරන්තර අතෘප්තිකර තත්වයකින් පෙළෙන බව දක්නට ලැබේ. සියලු දෙනාගේ උත්සාහය බවට පත් ව ඇති එක් අරමුණක් ලෙස විදේශවලට සංක්‍රමණය වීම දැක්විය හැකි ය. වර්තමානය වන විට ඔවුන්ගේ පවුල්වල ඇතැම් සාමාජිකයන් දේශපාලන රැකවරණය පතා හෝ සරණාගතයින් ලෙස යුරෝපා රටවල හා ඕස්ට්‍රේලියාවට සංක්‍රමණය වීම ශිඝ්‍ර වී තිබේ. ඇතැමුන් සිය මුදල් කුමන හෝ පුද්ගලයන්ට ලබා දී නීති විරෝධි ලෙස හෝ වෙනත් ක්‍රමවලින් සංක්‍රමණ අරමුණ කරා ළඟා වීමට උත්සාහ කරයි. එසේ සිදු වීමට ප්‍රධාන හේතුවක් බවට ඔවුන් චෝදනා කරන්නේ දේශපාලනය කෙරෙහා සහ ආණ්ඩුව කෙරෙහි ඔවුන්ගේ පවත්නා අවිශ්වාසය යි. ඔවුන්ගේ පවත්නා අවිශ්වාසය යි. ඔවුන්ගේ ඉදිරි පරම්පරාවට යහපත් හෙට දවසක් තැනිය හැක්කේ ශ්‍රී ලංකාව තුළ සිට නො ව පිටත වෙනත් රාජ්‍යක සිට ය යන අදහස ඔවුන් තුළ ඇති වී තිබේ. අධ්‍යයන ක්‍රමවේද ලෙස සිද්ධි අධ්‍යයන, සම්මුඛ සාකච්ජා භාවිතා කරන අතර දත්ත ඉදිරිපත් කිරීමේ දී ලේඛන මාධ්‍යය හා සිතියම්, ජායාරූප භාවිතයට ගනු ලැබේ. කිලිනොච්චිය නගරය හා ඒ අවට ගම්මාන කිහිපයක ගොස් හමුදා පාලනය යටතේ පවතින තත්වය පිළිබඳ ව ඔවුන්ගේ දැන ගැනීමට අවස්ථාව උදා විය. හමුදා පාලනය පිළිබඳ ව ඔවුන්ගේ ආකල්ප සතුටුදායක එකක් නො වේ. පැවති හා පවතින ආණ්ඩුව පිළිබඳ ඔව්නු තුළ එතරම් පැහැදීමක් ද නැත. දෙමළ තරුණ ප්‍රජාව ප්‍රභාකරන් වීරයකු සේ සලකන බව පෙනෙයි. සිය අනාගතය පිළිබඳව ගොඩනැගී ඇති අවිනිශ්චිතභාවය හේතුවෙන් මෙම ජන සංක්‍රමණ සිදුවන බව නිගමනය කළ හැකි ය.

2014-03-19T00:00:00Z දොළමුල්ල, කේ. චම්පිකා ගුණවර්ධන, ඒ. දිනුක http://ir.lib.ruh.ac.lk/handle/iruor/8351 2025-05-16T03:54:22Z 2014-03-19T00:00:00Z

සුළු අපනයන බෝග වගාවජප්‍රවර්ධනය පිළිබඳ ගැටලු අධ්‍යයනය කිරීම : බද්දෙගම සහ මුලටියන ප්‍රාදේශීය ලේකම් කොට්ඨාස ඇසුරිනි දොළමුල්ල, කේ. චම්පිකා; ගුණවර්ධන, ඒ. දිනුක ශ්‍රී ලංකාවේ ආර්ථික වර්ධනය ඉහළ මට්ටමක පවත්වා ගනිමින් ආර්ථික සුරක්ෂිතතාව වර්ධනය කිරීමට අපනයනය කේෂ්ත්‍රය ප්‍රවර්ධනය කිරීම අත්‍යාවශ්‍ය ය. එහි දී ශුද්ධ අපනයහි ඉහළ ම අගයක පවතින කෘෂි අපනයනය තේ, පොල්, රබර් ත්‍රිත්වයට පමණක් කේන්ද්‍රගත විමේ ගැටලුවට පිළියම් ලෙස කුරුඳු, ගම්මිරිස්, කරාබු නැටි සාදික්කා වැනි සුළු අබනයන බෝග ප්‍රවර්ධනය කිරීම වැදගත් ය. ඒ අනුව මෙම පර්යේෂණයේ අරමුණ සුළු අපනයන බෝග ප්‍රවර්ධනය කිරීම සඳහා එම බෝගයන්හි වගා කිරීම හා අළෙවිය පිළිබඳ පවතින ගැටලු හඳුනාගනිමින් ඊට විසදුම් දේශිය විදේශීය, සාම්ප්‍රදායික මෙන් ම නූතන ක්‍රමවේද හා දැනුම භාවිතා කිරීමෙන් ලබා දීමට පවතින හැකියාව අධ්‍යයනය කිරීම ය. පර්යේෂණය සඳහා මිශ්‍ර ක්‍රමවේදය භාවිතා කළ අතර ප්‍රාථමික සහ ද්විතීයික තොරතුරු භාවිතා කරනු ලැබිණි. සුළු අපනයන බෝග බහුල ප්‍රදේශ වන ගාල්ල දිස්ත්‍රික්කයේ බද්දෙගම සහ මාතර දිස්ත්‍රික්කයේ මුලටියන ප්‍රාදේශීය ලේකම් කොට්ඨාසයන්හි ග්‍රාම නිලධාරී වසම් 6 ක් නියෝජනය වන පරිදි නියැදි ඒකක හැටකින් භෝග වගා කිරීම හා අළෙවියට පවතින ගැටලු සහ අපේක්ෂා කරනු ලබන විසඳුම් පිළිබඳ ප්‍රාථමික තොරතුරු හා දත්ත රැස්කරනු ලැබිණ. දත්ත විස්තරාත්මක හා කාසි වර්ග පරීක්ෂාව භාවිතා කරමින් විශ්ලේෂණය කරන ලදී. පර්යේෂණයේ ප්‍රතිඵල මත ගොවීන් සඳහා වගා කිරීමට මුල්‍ය අපහසුතා පැවතීම, වගා කිරීම, අස්වනු ලබා ගැනීම, අළෙවිය ප්‍රමාණවත් දැනුමක් නොතැබීම, අලෙවි මධ්‍යස්ථාන දුලභ වීම, නිසි මිලක් නොලැබීම යනාදි ගැටලු මත සුළු අපනයනය බෝග වගා කිරීම අඩු වීමට හේතු වී ඇති බව හඳුනාගත හැකි විය. ගැටලු අවම කරමින් බෝග ප්‍රවර්ධනයට රාජ්‍ය මැදිහත් වීම, නිසි ප්‍රතිපත්තියක් සකස් කිරීම, ආධාර දීම සිදුකළ යුතු අතර වගා කිරීම. රැකබලා ගැනීම, නඩත්තුව, අස්වැන්න සකස් කිරීම, කල්තබා ගැනීම පිළිබඳ ප්‍රමාණවත් දැනුමක් ගොවි නිලධාරීන් මගින් ගොවීන්ට ලබාදීම සිදු කළ යුතු ය. එමෙන්ම ම මෙම වගා සිදුකිරීමේ පාරම්පරික ක්‍රම, අස්වනු කල්තබා ගැනීම පිලිබඳ දැනුම නූතන ගොවි පරම්පරාවට ලබාදීම සහ හුවමාරු කිරීම ද වැදගත් වන බව ගම්‍ය විය. එමෙන් ම මෙම බෝග අමුද්‍රව්‍ය ලෙස නොව නිමි ද්‍රව්‍ය, අර්ධ නිමි ද්‍රව්‍ය ලෙස සකස් කිරීමේ කාර්මික ක්‍රියාවලිය සඳහා ද්විත්ව පරතර න්‍යායට අනුව විදේශ සෘජු ආයෝජන සුළු අපනයන බෝග ප්‍රවර්ධනයට යොමු කිරීම යනාදිය තුළින් සුළු අපනයන බෝග ප්‍රවර්ධනය කිරීමේ ශක්‍යතාව ලැබෙන බව ද අධ්‍යයනය මලින් හඳුනාගත හැකි විය.

2014-03-19T00:00:00Z අමරසිංහ, ජයන්ත හේවගේ, ධම්මික http://ir.lib.ruh.ac.lk/handle/iruor/8308 2025-05-16T03:43:23Z 2014-03-19T00:00:00Z

සිංහරාජ වනාන්තරය ආශ්‍රිත ජන අත්කම්: සිංහරාජ වනාන්තරය ආශ්‍රිත ගම්මානය ඇසුරෙනි අමරසිංහ, ජයන්ත; හේවගේ, ධම්මික රත්නපුර දිස්ත්‍රික්කයට අයත් කලවාන ප්‍රාදේශිය ලේකම් කොට්ඨාසයෙහි පිහිටි ‘කුඩව’ ගම්මානය නිවර්තන තෙත් සදාහරිත වනාන්තරයක් වන සිංහරාජ වනාන්තරයෙහි වයඹ දිග බෑවුමට මායිම් වෙයි. ගම්මානයෙහි ජනතාවගේ ප්‍රධාන ජීවනෝපාය මාර්ගය වනුයේ තේ වගාව යි. මීට දශක තුනකට ඉහත හඳුන්වා දුන් තේ වගාවත් සමග ප්‍රදේශයේ ජනතාව කාර්යබහුල වීම නිසා සාම්ප්‍රදායික ජීවන රටා කෙරෙන් ක්‍රමයෙන් ඈත් වීම සිදු ව තිබේ. එහෙත් වර්තමානයේ දී ද මෙම ගම්මානෙයෙහි බොහෝ වැසියෝ තම එදිනෙදා කටයුතු සඳහා අවශ්‍ය උපකරණ සකස් කරගැනීමෙහි සුරුවෝ වෙති. එසේ ම කලාත්මක වටිනාකමකින් යුක්ත උපකරණ මෙන් ම කලා නිර්මාණ කිරීමෙහි සාම්ප්‍රදායික ඥානයක් ඔවුහු සතු වෙති. අධ්‍යයනයේ ප්‍රධාන අරමුණ වනුයේ කුඩව ලම්මානය ආශ්‍රිත ප්‍රජාවගේ ජන අත්කම් හඳුනාගැනීම හා ඒ කෙරෙහි එල්ල වී ඇති සංරෝධක අනාවරණය කර ලැනීම යි. අධ්‍යයන ක්‍රමවේද ලෙස සිද්ධි අධ්‍යයන සහ සම්මුඛ සාකච්ජා භාවිත කෙරෙන අතර දත්ත ඉදිරිපත් කිරීමේ දී ලේඛන මාධ්‍යමය සහ ජායාරූප යොදා ගැනෙයි. කුඩව ගම්මානය අවට පිහිටි සිංහරාජ වනාන්තරයෙන් ලබා ගන්නා අමුද්‍රව්‍ය වේවැල්, වැටකෙයියා, දුනුකෙයියා, ඉදිකොළ, කටුකිතුල් සහ පන් වර්ග යනාදිය ජන අත්කම් සඳහා භාවිතා කෙරයි. කුල්ල, වට්ටිය, කිරිගොට, මලු, පැදුරඅ සහ කුඩා පුධාන අත්කම් නිර්මණය ලෙස හඳුනාගත හැකි ය. සංචාරක විභවයන් සහිත මෙම ප්‍රදේශයේ ජන අත්කම් සඳහා ඉල්ලුමක් ඇතත් වර්තමානය වන විට ජනත්ව මෙම කර්මාන්තයෙන් බොහෝ සෙයින් ම ඈත් ව ඇති බව පෙනෙයි. ඒ සඳහා ප්‍රධාන ව බලපා ඇත්තේ තේ වගාවෙන් ඇති කළ කාර්ය බහුලත්වය නොවන බව සම්මුඛ සාකච්ජා මගින් අනාවරණය විය. ඇතමෙක් විවේක කාලයේ දී විනෝදිංශයක් ලෙස අත්කම් නිර්මාණයෙහි නියැලෙති. සාම්ප්‍රදායික කර්මාන්ත කෙරෙහි තේ වගාවේ බලපෑමක් ඇතත් ජන අත්කම් කර්මාන්තයෙන් ජනතාව විකර්ෂණය වීමට තීරණාත්මක ලෙස බලපා තිබෙනුයේ පවත්නා වන සංරක්ෂණ නීති බව මෙම අධ්‍යයනයෙන් අනාවරණය විය. ප්‍රධාන ලෙස ම අමුද්‍රව්‍ය සපයා ගැනීමට වනයට ඇතුළු වීම තහනම් කොට තිබේ. බොහෝ ගැමියන්ට ජන අත්කම් නිර්මාණය කිරීමෙහි දැනුමක් හා හැකියාවක් වෙතත්, වන සංරක්ෂණ නීති සාම්ප්‍රදායික ජන අත්කම් කර්මාන්ත කෙරෙන් ජනතාව විකර්ෂණය වීමට ප්‍රධාන වශයෙන් බලපා ඇති බව නිගමනය කළ හැකි ය.

2014-03-19T00:00:00Z සංජීව, ඒ. එච්. ඉන්දික http://ir.lib.ruh.ac.lk/handle/iruor/8245 2025-05-16T03:38:21Z 2014-03-19T00:00:00Z

සංවර්ධනය කරා ළඟා වීමේ දී ප්‍රාදේශීය නිලබල ධුරාවලියේ අදාළත්වය පිළිබඳ සමාජ විද්‍යාත්මක අධ්‍යයනයක් සංජීව, ඒ. එච්. ඉන්දික නූතන සංවර්ධනාහිමුඛ රාජ්‍ය ප්‍රතිපත්තීන් හමුවේ සංවර්ධන ක්‍රියාවලිය ගතානුගතීක ස්වභාවයක් උසුලා ඇත. ශ්‍රී ලංකාවේ සමාජ සංවර්ධනය උදෙසා රාජ්‍ය පරිපාලනමය කාර්යභාරය දැනට වත්මන් අගැයුම් මඟින් හදුනාගත හැකිය. රාජ්‍ය අංශය අඛණ්ඩ ව ව්‍යාප්ත වි පැවතුණ ද එකී ආයතනයන්හි කාර්යසාධනය විමසිල්ලට ලක් විය යුත්තේ ප්‍රතිපත්ති සංස්කරණය ඔස්සේ විධිමත් රාමුවක ක්‍රියාත්මක වන ප්‍රාදේශීය පරිපාන ව්‍යුහයෙන් සංවර්ධනය ක්‍රියාවලියට හිමිවන්නා වූ පිටිවහල පිළිබඳ ජනතා ආකල්ප සැළකිල්ලට ලක්කිරීමෙන් අනතුරුව ය. ජාතික සංවර්ධනයක් ඇති වීමට නම් සියලු ප්‍රාදේශීය ඒකක සංවර්ධනය වී තිබිය යුතුය. මෙම තත්ත්වය සාධනය කරගැන්ම උදෙසා ප්‍රාදේශිය පරිපාලනය ක්‍රමය වැදගත් වේ. ප්‍රාදේශීය නිලබල ධුරාවලිය ලෙස හදුනාගන්නේ මෙකී පරිපාලන ක්‍රමය ක්‍රියාත්මක කරනු ලබන යාන්ත්‍රණය යි. එනම් ප්‍රාදේශිය සංවර්ධනයේ ස්වරූපය තීරණය වේ. එහෙයින් ප්‍රාදේශීය සංවර්ධන කාර්යයේ දී ප්‍රාදේශීය නිලබල ධුරාවලියේ කාර්යභාරය කවරාකාර වේ ද යන්න මෙම අධ්‍යයනයෙ ගැටලුව ලෙස හදුනා ගැනේ. මෙම අධ්‍යයනය සිදු කරන ලද්දේ මාතර දිස්ත්‍රික්කයේ මුලටියන මහ ලේකම් කොට්ඨාසයේ කැටපල කන්ද ග්‍රාම නිලධාරී වසම හා ගාල්ල දිස්ත්‍රික්කයේ නියාගම ප්‍රාදේශීය ලේකම් කොට්ඨාසයේ දූවේගොඩ ග්‍රාම නිලධාරී වසම ආශ්‍රයෙනි. මෙම ග්‍රාම නිලධාරී වසම්වල ග්‍රාම නිලධාරී වසම්වල ග්‍රාම නිලධාරී, සමෘද්ධී සංවර්ධන නිලධාරී හා කෘෂි පර්යේෂණ නිලධාරී යන තනතුරු පහළ මට්ටමේ නිලබල ධුරාවලිය ලෙස හඳුනාගැනෙන අතර මෙම ප්‍රදේශයන්හි ක්‍රියාත්මක වූ සංවර්ධන ව්‍යපෘති සම්බන්ධයෙන් මොවුනගේ දායකත්වය සැසදීම අපේක්ෂා කෙරේ. මේ සඳහි සරල සසම්භාවී ක්‍රමය ඔස්සේ පොකුරු නියදිය භාවිතයට ගනිමින් අවසානයේ එක්පිය පොකුරු නියදිය මේ සඳහා යොදා ගැනේ. ඒ යටතේ තෝරාගත් සංවර්ධන ව්‍යාපෘති කිහියපක් ආශ්‍රයෙන් ප්‍රතිලාභී අදහස් විමසනු ලැබේ. අධ්‍යයනයේ දී නිරීක්ෂණ, සම්මුඛ සාකච්ජා, ප්‍රශ්නමාලා, නියමු තොරතුරු සපයන්නන් සහ ද්විතීයික මුලාශ්‍රය යන මෙවලම් භාවිත කෙරේ. මෙම අධ්‍යයනයට අනුව ප්‍රාදේශිය වශයෙන් ප්‍රජාව සහ නිලධාරීන් තුළ ද ඔවුනොවුන් අතර ද පවත්නා විෂමති හඳුනාගත හැකි විය. කැටපලකන්ද ප්‍රදේශය තඅළ සංවර්ධන ව්‍යාපෘති සඳහා නිලධාරීන් මැදිහත්වීම මෙන් ම ප්‍රජාවගේ සහභාගීත්වය ද දුර්වලය. ප්‍රතිලාභීන් තෝරාගැනීමේ දී අක්‍රමිකතා ද පවතී. දූවේගොඩ ප්‍රදේශයේ ක්‍රියාත්මක වූ සංවර්ධන ව්‍යාපෘති ප්‍රමාණය අවම වුව ද ප්‍රජාවගේ සහ නිලධාරීන්ගේ මැදිහත්වීමෙන් ව්‍යාපෘතියේ නිමැවුම සාර්ථකව ඇත. එමෙන්ම එම ප්‍රදේශයේ නිලධාරීන් එකිනෙකා අතර අන්‍යෙන්‍ය සබඳතා බිදවැටීමෙන් සංවර්ධන ව්‍යාපෘති මඟහැරී ඇත. රාජ්‍ය අංශයේ මැදිහත්වීම ප්‍රමාණවත් නොවීම, නිලධාරීවාදය, අවිධිමත් සන්නිවේදනය මෙන්ම අන්තර්පුද්ලග ක්‍රියාවන්හි වර්ධනයක් සිදු නොවීම ප්‍රාදේශිය සංවර්ධනය අඩාල වීමට හේතු සාධක ලෙස නිගමනය කළ හැකිය.

2014-03-19T00:00:00Z