සද්ධර්මාලංකාරයේ අන්තර්ගත නන්දිවාණිජ කථා වස්තුවෙන් හෙළි වන අතීත ලක්දිව සමාජීය තොරතුරු පිළිබඳ විමසුමක්

වීදාගම, සී.ආර්.; මධුමාලී, ඩබ්.ඩී.එච්.

dc.contributor.author	වීදාගම, සී.ආර්.
dc.contributor.author	මධුමාලී, ඩබ්.ඩී.එච්.
dc.date.accessioned	2023-10-17T05:02:49Z
dc.date.available	2023-10-17T05:02:49Z
dc.date.issued	2023-09-15
dc.identifier.issn	2536-8702
dc.identifier.uri	http://ir.lib.ruh.ac.lk/xmlui/handle/iruor/15074
dc.description.abstract	ගම්පොළ අවධියේ දෙවන ධර්මකීර්ති මාහිමියන් විසින් රචිත සද්ධර්මාලංකාරය පාලි රසවාහිනිය මූලාශ්‍රය කරගෙන ඇති අතර එය කතාන්දර අනුසාරයෙන් ධර්ම ව්‍යාඛ්‍යානයක් ඉදිරිපත් කිරීමට දැරූ ප්‍රයත්නයක් සේද සැලකිය හැකි ය. පාලි භාෂාවෙන් හා ධර්මය ඇසුරෙන් ප්‍රචාරය වූ ධර්ම ග්‍රන්ථවල අඩංගු කරුණු වටහා ගැනීමට නොහැකි පාඨක ජනයාට ධර්මය වටහා දීම අරමුණු පෙරදැරි කරගනිමින් සද්ධර්මාලංකාරය රචනා කර ඇත. එකල ලාංකේය සමාජය තුළ බුදු දහම පැතිරවීම පදනම් කොටගෙන බෞද්ධ සාහිත්‍ය දියුණු විය. එයින් ඒ ඒ යුගවල පැවති ඓතිහාසික කරුණු, භාෂා රටා, රචනා ශෛලිය, සංස්කෘතිය පිළිබඳ තොරතුරු උකහා ගැනීමට සාහිත්‍ය ග්‍රන්ථවලින් හැකියාව ලැබේ. ලංකා ඉතිහාසය හැදෑරීමේදී වැදගත් ග්‍රන්ථයක් වන සද්ධර්මාලංකාරය මගින් තත් කාලීන දේශපාලන, සංස්කෘතික, ආර්ථික හා සමාජ තොරතුරු ඔස්සේ එකල පැවති පැරණි ජන ජීවිතය, පාරිසරික තොරතුරු, සමාජ රටාව හා ඓතිහාසික තොරතුරු අනාවරණය කර ගත හැකි ය. මෙම පර්යේෂණයේ අරමුණ වන්නේ එම අවධියේ තිබුණු අතීත සමාජ තතු පිළිබඳ කරුණු අධ්‍යයනය කිරීම යි. ‘ගම්පොළ අවධියේ ලංකාවේ පැවති සමාජ තොරතුරු කවරේද?’ යන්න පර්යේෂණ ගැටලුව යි. නන්දිවාණිජ කතාවෙන් හෙළිවන තොරතුරු අනුව එකල සාපේක්ෂව දියුණු සමාජ තත්ත්වයක් පැවති බවට උපකල්පනය කළ හැකිය. මෙය ගුණාත්මක පර්යේෂණ ක්‍රමවේදය යටතේ පුස්තකාල සමීක්ෂණ ඇසුරෙන් සපයා ගන්නා ලද ප්‍රාථමික හා ද්විතියීක මූලාශ්‍රය භාවිතයෙන් සිදු කරන ලද අධ්‍යයනයකි. මෙහිදී ප්‍රථමයෙන් සද්ධර්මාලංකාරය අධ්‍යයනය කරමින් එයින් ගම්‍ය වන තත් කාලීන සමාජීය තොරතුරු පරීක්ෂා කරන ලදී. ඉන්පසු සමාජීය වශයෙන් ඒවා බෙදෙන ආකාරය වර්ගීකරණය කරන ලදී. ඒ ඒ වර්ග යටතේ ඇති සමාජීය තොරතුරු පෙළ ගස්වන ලදී. තත් කාලීන දේශපාලන, සංස්කෘතික, ආර්ථික හා සමාජ තොරතුරු ඔස්සේ එකල පැවති පැරණි ජන ජීවිතය පාරිසරික තොරතුරු, සමාජ රටාව හා යුගයේ ඓතිහාසික තොරතුරු හඳුනාගත හැකි විය. උපකල්පනය කළ පරිදි ගම්පොළ යුගයේ දියුණු සමාජ පසුබිමක් තිබුණු බව අනාවරණය කර ගත හැකි විය.	en_US
dc.language.iso	si_lk	en_US
dc.publisher	Faculty of Humanities and Social Sciences, University of Ruhuna,Sri Lanka .	en_US
dc.subject	ගම්පොළ අවධිය	en_US
dc.subject	ධර්ම ග්‍රන්ථ	en_US
dc.subject	සද්ධර්මාලංකාරය	en_US
dc.subject	සමාජීය තොරතුරු	en_US
dc.title	සද්ධර්මාලංකාරයේ අන්තර්ගත නන්දිවාණිජ කථා වස්තුවෙන් හෙළි වන අතීත ලක්දිව සමාජීය තොරතුරු පිළිබඳ විමසුමක්	en_US
dc.type	Article	en_US